logo-black

الخير فى شبابنا

الخير فى شبابنا

طبعاً احنا في شهر الخير ... والإعلانات مالية القنوات ومواقع التواصل الاجتماعي عن الأنشطة والأعمال الخيرية إللى بتعملها المؤسسات والجمعيات والمستشفيات الكبرى في مصر ... بس احنا كان عندنا وجهة نظر مختلفة ان مش هما دول بس اللي بيعملوا خير او محتاجين الناس تعرفهم ... فيه مبادرات كتير وجمعيات صغيرة وشباب اكتر دورهم الحقيقي ممكن يكون اكبر بكتير من حجم الإعلانات والدعاية اللي بيتصرف عليها المليارات ومحدش عارف عنهم حاجة ... هنحاول خلال الشهر ده نقولهم شكراً ونعرف الناس هما مين وبيعملوا ايه ... لو تعرف مجموعة بتشتغل بجد للناس سواء كانوا جمعية او مبادرة او مجموعة شباب أصحابك او من منطقتك او حتي شفتهم بالصدفة ابعتلنا حكايتهم وصورهم واحنا حقهم علينا ان الناس كلها تعرفهم وتقولهم شكراً ... احنا كل يوم ولحد نهاية رمضان هنحاول ننور علي #شبابنا اللي في كل مكان في مصر اللي بيشتغلوا ومحدش يعرفهم ومش بس كده احنا كمان هنحاول نكرمهم وكمان هيكون فيه جائزة انتوا اللي هتختاروا مين يستاهلها في نهاية الشهر الكريم .
هنستني ترشيحاتكم علي صفحة مجلس الشباب المصرى كل يوم ولحد نهاية رمضان ضمن حملة #الخير_في_شبابنا لأن حقهم علينا ان الكل يعرفهم ويقولهم #شكراً_ياابطال