logo-black

مجلس الشباب المصري يحتفل بالعيد مع عائلة إماراتية في مصر

مجلس الشباب المصري يحتفل بالعيد مع عائلة إماراتية في مصر

التقرير ده احنا اشتغلنا عليه في مجلس الشباب المصري واتذاع علي قناة ابو ظبي في العيد وتابعه الملايين في الامارات ودوّل الخليج وبيتكلم عن عائلة دبلوماسية من المستوى الرفيع بمجلس التعاون الخليجي ومسئوليين عن قطاعات من اهم القطاعات بدول الخليج هما التجارة ومكافحة الاغراق والشباب والبيئة والتقرير بيرصد قد ايه مصر امان وقد ايه مصر هي الاختيار الأمثل للسياحة وقد ايه مصر مهمة بالنسبة لكل العرب ... التقرير ده احنا بنهديه في مجلس الشباب المصري لوزارة السياحة والهيئة العامة للأستعلامات ولكل واحد مسئول مهتم بجد ان السياحة ترجع ...لو عاوز ترجع عملة صعبة تاني للبلد وترجع تفتح بيوت ملايين الأسر اللي كانت مفتوحة بسبب دخل السياحة لمصر ... لو عاوز بجد ترجع الناس دي تاني لمصر خاطبهم من شاشاتهم ومن قنواتهم وخلى رموز منهم هما يعرفوهم كويس هي اللي تتكلم عن مصر وهما اللي يشجعوهم انهم ييجوا يزوروها ... حاكم دبي لما حب يعمل اعلان عن السياحة في دبي جاب شاروخان ونزل واتصور في شوارع دبي وخلي الإعلان ده يتذاع في قنوات العالم مش قنوات الامارات نفس الكلام بتطبقه الامارات في دعوتها لمنتجين الأفلام العالمية انهم ييجوا يصوروا في دبي ومش هتكلم عن قد ايه المسلسلات التركية اللي اتصدرت لكل شاشتنا رفعت نسبة السياحة لتركيا قد ايه ... الخلاصة ان عمر ما إعلانات تنشيط السياحة علي المحور وكوبري اكتوبر هتفيدك ولا إعلاناتك ومصاريفك لشعار تعالوا زوروا مصر علي التليفزيون المصري والقنوات المصرية هتجيب فايدة ... التقرير ده أتعمل بمجهودات وتنسيق #شبابنا في مجلس الشباب المصري عشان خاطر احنا حاسين بالمسئولية ومقدرين دورنا ومهمتنا .
#مجلس_الشباب_المصري
#السياحة
#الخليج
#الامارات
#دبي #ابوظبي
#مجلس_التعاون_الخليجي

 

لمشاهدة التقرير:-

https://www.facebook.com/mr.m.mamdouh/videos/1833651023344911/?hc_ref=ARSqSdkav4ephvKkVIUnhjdibeFtxg91VFUZf1GHllXH3uTd6CXWvf4ar88Dm1S2Qnc&fref=nf

 

 

الرئيسية مجلس الشباب المصرى 2018-06-19 ,